ابو صخر في ضيافة منتدى تعالوا اقروا المقابله

السلام عليكم ورحمة الله وبركاته



.:: خالد بوصخر ::.

فنان شاب سطع في نجوم التمثيل و الغناء اثبت نفسه و عفويته التمثيل ابرزه نفسه من خلال برنامج استار اكادمي الفنان خالد بو صخر في اول لقاء له على الشبكة العنكبوتية [ ملتقى النجوم ]




البطاقه الشخصيه.

-الاسم:خالد بوصخر
- العمر :7/4/1989
الحاله الاجتماعيه: أعزب

طالب بالمعهد العالي للفنون الموسيقيه

1- وين خالد يشوف نفسه بالتمثيل او الغناء؟

والله اثنينهم يكملون بعض..بس انا اشوف نفسي بالتمثيل اكثر..
وانا ممثل وعندي موهبة غناء..ونزلت اول اغنيه (غشيم) ولقيت صدى حلو من الناس..

2- حدثنا عن تجربتك بستار اكاديمي؟

تجربتي باستار اكاديمي وايد حلوه..ممكن تكون ضربة حظ وممكن شطاره..وشطاره شلون تخلي العالم العربي يعني ملايين يحبونك...قلت يعني ادش على طبيعيتي علشان اكسب حب الجمهور..وانا ماكنت مهتم حق اللقلب اكثر من الاخلاق..علشان ارفع راس ديرتي...وصح انا ماخذيت اللقب وقعدت شهرين بالاكاديميه..بس شرفت ديرتي..وهذا مو كلامي كلام الناس..وكافي انه في ناس قاعدين يتصلون علي من الوطن العربي ويقولون لي انه احنا مو قاعدين انتابع ستار اكاديمي بعدك لان كنا نتمنى انك انته تكون الستار..وانته مظلوم..
وهذا دليل على اني تركت بصمه وطلعت..واحمد ربي اني قدرت ارفع راس ديرتي..واكسب حب الناس..

3- شنو تعليقك على اختيارك اكثر من مره نومينيه؟

انا مظلوم..واهوا برنامج تجاري واكيد يبون يكسبون..واتوقع انهم كرهوني..لاني انسان صريح وماحب النفاق..وماحب اسوي علاقات غراميه..

4- في ناس مستوياتهم اقل من مستواك بس ماطلعو نومينيه ليش؟

لان انا مظلوم..وفي وايد قالولي انته ماتلاحظ انه الي سوو علاقات غراميه قعدو فتره طويله بالاكاديميه وانته طلعت بسرعه.. ومجرد قبولي بالاكاديميه هذا معناته اني ربحت..لان هالسنه كان في وايد اصوات قويه...

5- قولنا عن اغنيتك غشيم؟

غشيم موجوده بالاسواق..بالبوم كلمه ولحن... الحان ضاري المسيليم الملحن المبدع..وكانت هذي اول اغنيه لي

6- اذا حبيت انك تسوي دويتو مع منو تفضل؟
الفنانه نانسي عجرم...

7- شنو جديد خالد بوصخر؟

انا رجعت من الاكاديميه والكل كان مبلش اعمال..ياني عمل مع قناة الراي..بس لظروف ماقدرت..وجديدي راح تكون اغنيه سنقل..كلمات بشار الجاسم..الحان ضارلي المسيليم..والتوزيع راح يكون مفاجاه..

8- شنو موقفك من عدنان؟وليش كله نشوفكم تتناجرون؟

عدنان اخوي..واحنا انتناجر لان احنا ربع من قبل الاكاديميه وماكو الا كل خير بينا..
واهوا اول ماطلع من الاكاديميه ما اتصل بأهله..اتصل فيني انا على طول..


9- قولنا موقف طريف صارلك بالاكاديميه؟

كنا انا وفواز وايد نتفلسف بالاكاديميه..يعني كنت اقول حق فواز..احنا طلاب بالمعهد العالي للفنون الموسيقيه وكل سبوع مطلعيني نومينيه وانته تقول كلمه..جان يقولي بس انا ليلحين ماطلعت نومينيه انا طالب مجتهد..صار الاسبوع الي بعده جان يطلع نومينيه ويطلع من الاكاديميه...


10- ليش بجيت لما انقبلت بالاكاديميه؟

تدري انه قبول برنامج ستار اكاديمي لعبة اعصاب..وانا اول كنت من الناس الي اتوقع انه قبول برنامج ستار اكاديمي شي سهل..لكن الي شفته انه اصعب برنامج علشان تنقبل فيه..بدايتنا كانت بالكويت..والمرحله الثانيه باللبنان..وقعدنا شهرين لما اتصلون فينا..ولما رحنا اللبنان انقبلنا 5..وصورنا روبرتاج بالكويت وكنا ثلاثه انا وفواز الميل وعلي جمال..وبعدين اتصلو فيني وقالولي خالد انته انقبلت المرحله الثالثه..وزهب كل اغراضك وحط فبالك انته راح تقعد سبوعين ويمكن تنجح ويمكن لا..وهذي اصعب مرحله..خلصو الاسبوعين ووصلنا مرحلة الشاشه..علشان كل واحد يشوف شنو يكتبون له الاداره اذا اهوا انقبل او لا...مثلا في وحده ويانه قالولها انتي راح تشوفين البرايم الاول لكن بالبيت..وبعدين صار دور فواز وانقبل..فقلت بس خلاص انا ماراح انقبل...وبعدين صار دوري...اول سؤال اسالوني اياه.. يشبهونك وايد فبشار؟ وقلت لهم مادري..وسالوني اكثر من سؤال..واخر شي قالولي خالد راح نشوفك في..وخلو كلمة في معلقه لمدة دقيقتين..وانا نهرت..واخر شي قالولي في الاكاديميه..والحمدالله انقبلت


11- في ناس كانت تقول خالد بوصخر انته ماكنت تراجع حق الامتحان؟

لابالعكس انتو غلطانين..انا كنت اراجع لي ساعه 5 الفير..بس كانو الاكاديميه ساعه 1 يحطنون قود نايت لما اكون سهران وقاعد اراجع..فالناس علبالهم انا نايم....شمعنى عدنان واسماءاذا كانو قاعدين يراجعون لي الفير الكاميرا عليهم..

12- قولنا شصار لما طلعت من الاكاديميه؟

كنت مستانس وهم بنفس الوقت ضايق خلقي..لان مادري اذا الناس حبوني ولا لا..ولما وصلت الفندق الي باللبنان..انصدمت انه كان في وايد ناس واقفين ويقولون خالد...وحتى لما صعدت الغرفه التلفون ماسكت...د
وبعدين كلمة الاداره سالتهم متى طيارتي حق الكويت؟..قالولي ساعه 10 بليل وتوصل ساعه 12...
انا اهني ضاق خلقي..لان يوم السبت بليل والوقت متاخر والناس دوامات وامتحانات...اكيد ماكو احد راح ايني المطار..وصلت المطار..وسمعت صوت يقولون خالد..المهم رحت بسرعه طلعت بره وكااان المطاار مسكر كله..وسولي مسيره لي بيت اخوي لي الفير..وانه كذا دوله تقولي خالد احنا موقاعدين نشوف البرنامج والسبه انته..واتصلو فيني الشيوخ واشكروني على العيد الوطني الي سويته بالاكاديميه..

13- في ناس قالو انه خالد بوصخر فشلنا كله نومينيه؟

انا اقولهم انا نومينيه مو عيب..يكفي اقولهم اني دشيت البرنامج ورفعت راس ديرتي باخلاقي..,الحمدالله الناس كلها حبوني..والي تكلمت خل يدش البرنامج وبشوف شراح يسوي..لان تدري انه انا انقبلت من بين ملايين..وهذا بكبره انجاز...والتصويت على كلام الناس يقولون انه النتيجه ملعوب فيها..والي حببني انه جمهوري شباب وبنات كبار وصغار..وانا وايد مستانس..لان يامه ناس خذت ستار بس وينهم الحين...

14- في دور انته مثلته وحسيت انه كان على طبيعتك؟

ايي..مسلسل البيوت اسرار..واساسا انا احب امثل على طبيعتي علشان ما اخدع جمهوري..بس يعني لازم الواحد يضبط نفسه لان هذا تمثيل والسالفه فيها تلفزيون..

15- وينك عن المسرح؟

انا مثلت بمسرحيه السنه الي طافت وانشالله عندي مسرحيه هالسنه بعد...


16- خالد يقولون انك مغرور؟

انا مستحيل انغر..لان انا لولا الله ثم هالناس جان ماصرت ستار وانا مديون لهم...



17- شنو رايك بفواز الميل..؟؟

فواز حبيبي واخوي...واتمنالله التوفيق..

18- كلمه توجهها حق معجبينك والادارين بموقع ملتقى النجوم؟

انشالله تلاقون كل يديد وحصري عني بموقع ملتقى النجوم..
واشكرادارة موقع ملتقى النجوم على هالمقابله والى الامام انشالله..وانتو اول موقع يسوي معاي مقابله...